Windows диң Mac компьютерлеринде орналасыўы, Windows Phone ның Nokia телефонларындағы көриниси менен Intel процессорларының Apple ноутбуклары менен десктопларындағы жайласыўын биринши рет еситкенимизде жүдә қызықлы болып түйиледи, бирақ соңынан пайдаланыўшылар бундай затларды әпиўайы қубылыс ретинде қабыллайды. Бундай сәйкеслик дәслебинде исенимсиз болып түйилгени менен, тарийх бети буның ҳақыйқый екенлигин тастыйықлайды. Бундай ҳақыйқатқа Nokia телефонындағы Android операцион системасы киреди.

Бул мақаламызда кеше ғана бундай сәйкесликке туўра келмейди деген Nokia X проектиниң яғный Nokia Normandy ҳаққында пикирлерди усынамыз.

Nokia Normandy / Nokia X мобил телефонлар дүньясын сатып алған Microsoft компаниясының Android ОС дағы биринши телефоны.

Nokia Normandy-диң пайдаланыўшы интерфейси Android усылында

Төмендеги көринисте модификацияланған интерфейсли Android ОС да ислеўши Nokia смартфонының сүўрети берилген. Егер белгилерге итибар берсек Nokia Normandy еки SIM картаға ийе ҳәм оған қосымша тәризде Wi-Fi бойынша байланыс мүмкиншилиги жаратылған.

Metro UI стилиндеги Nokia Normandy пайдалыныўшы интерфейси



Android стилиндеги Nokia Normandy интерфейси басқа Windows Mobile пайдаланыўшылары ушын арналған Metro UI интерфейсли скриншотларда бар. Қурылма Windows Mobile дағы сыяқлы Android та да жүкленеди. Итималлықларға қарасақ Microsoft Metro UI интерфейсин Android операциялық системасынан жоқарылатады деген сөз бар. Ким биледи, мүмкин MS Google Play да өз белгиси бойынша исленген қолланбаны орнатпақшы шығар.

Nokia Normandy спецификациялары



Бир ўақытлары Nokia Normandy смартфоны вьетнамлық сайтта қәтелесип берилген еди, егер бул жағдай ҳақыйқатында да усындай болса, Nokia Normandy характеристикалары ҳақыйқатқа жақын келеди, ал егер «қара пиар» тармағының ҳийлеси менен исленген көриниси болса ҳақыйқый өним менен уқсаслықты излеў керек емес.

Бүгинги күнде Nokia дан рәсмий мағлыўматлар болмағаны менен ҳақыйқатқа жақын мағлыўматлар менен танысыўымыз мүмкин.

Телефонның аппаратлы характеристикалық болжамы: 800х400 пиксел өлшемдеги 4 дюмлы WVGA дисплейи, еки SIM карталы орын мүмкиншилиги, 5 мегапиксел камера, 512 Мб оператив яд, 4 Гб ишки яд ҳәм Micro SD карта ядының слоты, 1 500 мА*саат көлемдеги аккумулятор батарея. Процессоры «1 ГГц жийиликте ислеўши, еки ядерли». Болжанған –ОС Android 4.4 KitKat.

Реңли Nomandy



Nokia компаниясы өз смартфонларын түрли реңдеги корпуслар менен безетиў дәстүрин қоллап келмекте, соған бола Normandy де бул усыл қолланса керек. Nokia Normandy - Nokia Lumia 520сыяқлы ашық реңли бояўларда бериледи.


Таярлаған: Калмуратов Б
Дерек көзи: www.gadgetblog.ru