Google Inc. tiykarg’ı xızmetleri informatsiyalıq texnologiya tarawına bag’darlang’an du’nya ju’zine ataqlı korporatsiya. Google paydalanıwshılarına internetke tiykarlang’an ko’plegen o’nimler usınıw menen bir qatarda internet izlew sisteması, cloud computing, bag’darlama islep shıg’ıw ha’m reklama etiw texnologiyaları h.t.b xızmet tu’rlerin ko’rsetedi.

Google Gmail – Google elektron pochta xızmeti.
Gmail (Google Mail) – Google kompaniyasının’ biypul elektron pochta xızmeti. Veb-interdeys ha’m POP3, SMPT, IMAP protokolları arqalı pochtalıq yashik penen paydalanıwg’a mu’mkinshilik beredi. 2012 jıldın’ iyun ayında keltirilgen derekte internette Gmail sistemasın belsendi paydalanatug’ın 425 million paydalanıwshısı bar ekeni atap o’tilgen.

Google Translate – Google Awdarmashı xızmeti.
Google Awdarmashı (ingl. Google Translate) – Google kompaniyasına tiyisli bolıp, ol 64 tilde jumıs isleydi, du’nyadag’ı en’ ataqlı biypul awdarmashı (so’zlik) veb-xızmeti. Google awdarmashı sistemag’a qosılg’an barlıq tiller arasında so’zler ha’m ga’plerdi awdarıw mu’mkinshiligine iye.

Google Plus – Sotsiallıq tarmaq xızmeti.
Bul sotsiallıq tarmaqtın’ 500 millionnan aslam paydalanıwshısı bar bolıp, olardan 235 millionı belsendi paydalanıwshılar. Bul sotsiallıq tarmaq ko’p tilde xızmet ko’rsetedi.

Google Docs – Hu’jjetlerdi basqarıwg’a arnalg’an xızmeti.
Hu’jjetlerdi saqlawg’a, redaktorlawg’a, bo’lisiwge arnalg’an xızmet tu’ri. MS Word, Excel, PowerPoint hu’jjetleri menen bir qatarda ODF, HTML, PDF, RTF, Text, OpenOffice XML sıyaqlı ko’plegen hu’jjetlerdi basqarıwg’a boladı.

Google Maps – Vebke tiykarlang’an jer sharı kartası xızmeti.
Yag’nıy jer sharı kartasınan o’zgesheligi paydalanıwshılar Google Map-tı paydalanıp ken’eytilgen izlew tu’rlerin belgili bir obyektke baylanıslı informatsiyalardı tabıwg’a tiykarlang’an. Sonday-aq bunda jer sharının’ sputnik arqalı tu’sirilgen karta xızmeti de bar.

Google Reader xızmeti
Gmail adresi arqalı Google saytına kirip, paydalanıwshılardın’ ko’p kiretug’ın veb saytlarındag’ı RSS yamasa Atom siltemelerin dizimge alıw arqalı jan’alıqlardın’ barlıg’ın Google Reader arqalı ko’riwge bolatug’ın xızmet tu’ri.

Google Drive xızmeti
Fayllardı basqarıwg’a arnalg’an Google-din’ xızmet tu’ri.

Google Picasa – Su’wretlerdi basqarıwg’a arnalg’an xızmet tu’ri.
Su’wretlerdi basqarıwg’a, redaktorlaw maqsetlerinde paydalanıwg’a qolaylı.

Google AdWords – Google reklama xızmeti.
Yag’nıy Google paydalanıwshılarına AdWords xızmetinen paydalanıp, o’z biznesin reklama etiwge mu’mkinshilik beretug’ın xızmet tu’ri.

Google Analytics xızmeti
Veb sayt iyeleri, adminstratorlarına bul xızmetti usınıp, veb saytqa qansha paydalanıwshı kirgeni haqqında statistikalıq mag’lıwmatlardı analizlep beredi.

Google Labs xızmeti
Yag’nıy bag’darlamalardı sınaqtan o’tkeriwge arnalg’an joba bolıp, bunda paydalanıwshılardın’ pikirlerin ko’rip shıg’ıp, olardın’ pikir usınısları arqalı en’ jaqsı o’nimdi islep shıg’arıwdı maqset etedi.

Ha’zirgi waqıtta Google korporatsiyası bunnan basqada ko’plegen iri jobalar u’stinde islemekte ha’m olardı jetilistirmekte. Sonlıqtanda Google paydalanıwshıları ko’pshilikti quraydı.


Tayarlag'an: Kalmuratov B.
Paydalanılg’an a’debiyat: en.wikipedia.org/wiki/List_of_Google_products