Alımlar tárepinen qaǵaz “planshet” islep shıǵarıldı

Inglis alımları qaǵaz qalıńlıǵınday ǵana bolatuǵın planshet islep shıǵardı, dep xabarlaydı The Daily Mail. Onı búklewge de ılaqtırıwǵada boladı. Sonday-aq planshet qaǵazdıń ornın basıwı múmkin deydi alımlar.
Birinshi úlgisiniń kólemi 10,7 dyum. Elektronlı "qaǵazdı" Kvin Meri jeke menshik universitetiniń alımları qurastırǵan. Olardıń aytıwınsha, bul jańalıq kompyuterlik óndiriske keri tásir etiwi múmkin. Aldımızdaǵı 5 jıldıń ishinde búklenetuǵın, jumsaq kompyuterler turmısqa engiziliwi múmkin.

Óndiriwshi topar jańa planshetti tanıstırıp, jumıs maydanınıń kontseptisin usındı. Planshet beti kompyuter monitorındaǵı aynalardıń xızmetimetin atqaratuǵın boladı. Bul displeylerdi elektron kitap retinde paydalanıwǵa da boladı. Al keyingi betke ótiw ushın paydalanıwshı "qaǵaz" planshetti tek azǵana búklew kerek eken. Házirgi waqıtqa shekem onıń hár túrli úlgileri shıqpadı, biraq laboratoriyalarda tınımsız jumıslar alıp barılmaqta.