Smartfon hám planshetler ózimizde islep shıǵarıladı

Usı jıldıń ayagına shekem Ózbekstanda mobil telefonlar, smartfonlar hám planshet kompyuterlerin islep shıǵarıw jolǵa qoyıladı.

Tashkent qalasında 23-27 oktyabr kúnleri bolıp ótken altınshı xalıqaralıq sanaat yarmarkasında Ózbekstanda usı ónimlerdi islep shıǵarıwdı jolǵa qoyıwdı rejelestirip atırǵan kárxanalar óz ónimlerin usındı, dep jazadı UzDaily portalı.

Yarmarka sheńberinde Artel sawda belgisi mobil telefonlar hám smartfonlar prezentaciyasın ótkerdi. Kompaniya wákiliniń aytıwınsha, usı mobil telefon apparatları 2012 jıldıń dekabr ayında satıwǵa shıǵarıladı.

Artel smartfonları Android operaciyalıq sistemasında isleydi. Al Xıtaydıń ZTE kompaniyası bolsa 2012 jıldıń noyabr ayınan smartfonlar hám planshetlerdi Ózbekstanda jıynawdı baslaydı.