3D Touch texnologiyasının’ arqasında jaqında g’ana satıwg’a shıg’arılg’an iPhone 6s smartfonlarının’ ekranı tutınıwshının’ displeydi basıw ku’shin o’lshey aladı. Ha’zirgi waqıtta bunday texnologiya ayırım Android qurılmalarında da ushırasadı. Al Huawei kompaniyası jan’a Mate S smartfonına 3D Touch texnologiyasının’ rawajlang’an versiyasın ornatıwdı rejelestirmekte.

Synaptics kompaniyasının’ mag’lıwmatı boyınsha, Android smartfonın o’ndiriwshilerdin’ ko’pshiligi 2016 jılg’a shekem atalg’an texnologiya menen ta’miyinlenedi. Atalg’an kompaniya o’zinin’ ClearPad 3700 seriyası menen shıqqan ekran interfeysi qa’legen jan’a texnologiyag’a, sonın’ ishinde 3D Touch funktsiyasına tez beyimlesetug’ının xabarladı. Tiykarg’ı biznesi sensorlı ekran shıg’arıwdı qurawshı amerikalı Synaptics kompaniyası ko’plegen Android o’nimin o’ndiriwshilerge usı texnologiyag’a o’tiwge usınıs jibergen.

Apple korporatsiyasının’ tiykarg’ı ba’sekilesi Samsung kompaniyası bul mu’mkinshilikti qollanıwı anıq. Al basqa kompaniyalar du’nya ju’zlik sawdadag’ı ornına qarap sheshim qabıllawı mu’mkin.


Azamat Primbetov
derek ko’zi: gadgetblog saytınan.