HTML 5 saytlardı ańsatlastırıw ushın jańa múmkinshilikler

HTML 5 - bul tek veb dizaynerler ushın ǵana emes, al basqada paydalanıwshılarda da ushırasatuǵın túsinik. Paydalanıwshılar ushın brawzerde jumıs isleytuǵın tolıq funkcional qosımshalar menen támiyinlengen.

1997 jıldaǵı HTML tiliniń 4.0 versiyası shıqqannan baslap internet saytlarınıń basım kópshiligi usı tildi qollandı. Biraqta, 15 jıl inshinde ishki halatqa hám resurslardıń funkcionallıǵına degen talaplar kúsheydi. Nátiyjesinde óndiriwshiler (developers - разработчики) veb betler menen hár túrli xızmetlerdiń zamanǵa say kóriniw ushın Java-skriptler, Flash-rolikler hám interfeysler sıyaqlı qosımsha qurallardı paydalanıwǵa alıp keldi. HTML 5-ti engiziw menen jaǵday anaǵurlım ózgeriwi kerek, sebebi belgilew tiliniń jańa versiyası kóplegen mashqalalardı sheshedi.

HTML nı jetilistiriw bir neshe maqsetten turadı. Spetsifikaciya brawzerlerdiń qáteler shıqqanda onı kórsetip, qáytip durıslaw kerekligi haqqında anıq bayan etiwi lazım. Sonday-aq bul tildiń eski elementleri burınǵısınsha qalıwı tiyis. Yaǵnıy belgilew tili saytlardı islewdi ańsatlastırıw kerek hám zamanagóy texnologiyalardı qollawı kerek, mısalı: video menen veb qosımsha baǵdarlamalardı kóriwge hám olar menen offlayn túrde jumıs islewge, resurslardıń mobil versiyasın paydalanıw hám t.b.