Torrent degenimiz ne?

Internettiń kópshilik paydalanıwshısı erte me, kesh pe bul máselege keledi… óziniń dáslepki torrent faylın kóshiredi.

Sebebi torrent-servisler kóplegen tapsırmalardı orınlaydı – kitap, audio, video bolsın, zárúrli fayldı usına aladı. Usınday servisler menen jumıs islew ushın dáslep torrenttiń ne ekenin hám qalay durıs paydalanıwǵa bolatuǵınlıǵın biliw kerek.

Torrent – 2001 jılı islengen bolıp, ol fayllardıń júda ańsat jiberiliwin támiyinleytuǵın ayrıqsha baǵdarlamalıq támiyinleniw. Onıń artıqmashılıǵı, tarmaqta fayllar birden emes, bólek-bólek túrde jiberiledi. Barlıq bólekler jıynalǵanda, torrent olardı kompyuterdegi bir faylǵa biriktiredi.

Muzıkalar, filmler, oyınlar, hár túrli baǵdarlamalar, kitapları bar fayllardı jaylastırıw ushın torrent-saytlar – trekerler islenedi. Tap usı jerde hár qala, hár mámlekettegi paydalanıwshılar fayl almasıwdı ámelge asıradı.

Treker qatnasıwshıları arasındaǵı fayllardı úlestirip beredi. Qálegen torrent-trekerdiń baslı qaǵıydası: óziń júkleseń, ózgege úlestir. Fayllar serverge júklenbeydi – olar treker qatnasıwshılardıń arasında tabısadı. Sonlıqtan, eger paydalanıwshı fayldı júklep, basqa qatnasıwshılarǵa tarqatpasa, oǵan júklew ushın berilgen limitti tawısadı hám servistiń basqa xızmetlerinen paydalana almaydı.

Torrent faylda zárúrli fayldı júklewge arnalǵan informaciyalar bar. Onı kompyuterde saqlap, klienttiń kómegi menen ashıw arqalı júklewdi baslaydı. Torrent fayllar menen kompyuterde jumıs islewge arnawlı usı islengen baǵdarlamanı júklew kerek (klient): BitComet, BitSpirit, µTorrent

Bul xızmet tek jaqsılıq etiw ǵana emes, al onı basqa paydalanıwshılarǵa tarqatıw ushında arnalǵan, sonlıqtan fayldı kóp bergen sayın, kóp alıw degen sóz.