Planshet óndirisin Sony kompaniyasıda qolǵa aldı

Sony kompaniyası diagonalı 10,1 dyumli Xperia Tablet Z planshetin tanıstırdı. Qurılma Android 4.1 operaciyalıq sisteması menen jumıs isleydi.

Xperia Tablet Z planshetler arasındaǵeń juqası. Onıń qalıńlıǵı bar bolǵanı 6,9 millimetr. Salıstırıw ushın aytıp ótiw orınlı, usıǵan shekem eń juqa bolıp kelgen Toshiba Excite 10 LE planshetiniń qalıńlıǵı 7,7 millimetr. Asus Transformer Prime TF201 qalıńlıǵı 8,3 millimetr. Samsung Galaxy Tab 10.1 plansheti bolsa 8,6 millimetr qalıńlıqqa iye.
Sony usınǵan jańa ónimde tórt yadrolı Qualcomm processorı jumıs isleydi. Apparat 32 gigabayt ishki hám 2 gigabayt operativli yadı bar. Planshet iyesi internetke Wi-Fi yamasa uyalı baylanıs arqalı kiriwge boladı.
Xperia Tablet Z ekranınıń múmkinshiligi 1920-ǵa 1200 noqatlı. Planshet 8,1 megapikselli kamera menen úskenelengen. Qurılmanıń batareya sıyımlılıǵı saatına 6000 milliamper.