Google Chrom- buk noutbugı islep shıǵarıldı

Google Samsung Electronics-penen birlesip shıǵarǵan Chrom-buk jańa ónimin tanıstırdı. Ol Windows yamasa Mac sıyaqlı noutbuklarda tiykarǵı jumısların atqaratuǵın adamlarǵa arnalǵan. Jańa Chrombuk saparda júrgen waqıtta yamasa avtokólikte, keńsede, úyden sırtta basqa jerlerde júrgende informaciya alıwǵa qolaylı qosımsha qural retinde paydalanıwǵa boladı.

Jańa ónim elektr energiyasın únemli paydalanatuǵın hám akkumulyator az sarıplaytuǵın ARM mikroprocessorı negizinde quralǵan. Google hám Samsung tutınıwshılarǵa klassikalıq joqarıdaǵı ónimdi usınbaqta. Al oǵan Chrome OS sisteması áwel bastan-aq arnawlı jobalanıp rejelestirilgen edi. Kompaniya Chrome OS baǵdarlamasın jańalap, Chrome OS sisteması tiykarında birinshi jeke kompyuteri retinde – Chrombox sisteması menen de tanıstırdı. Prezentaciya waqtında Google wákilleri Samsung penen birlesip islengen ónimniń bunday sistema menen isleytuǵının EEM ler arasında eń arzan hám tez, qolaylıraq ekenin málimlegen. EEM niń ishine Samsung-tıń firmalıq Samsung Exynos 5250 mobilli processorı ornatılǵan. Bunı Samsung smartfonları menen planshetlerinde qollanıladı. Sonday-aq Google vitse-prezindenti Sundar Pishai Chrome OS ónimleriniń arzanıraq bolatuǵınlıǵın málimlegen.

Bul New Samsung Chrombook dep atalatuǵın modeldiń awırlıǵı 1,2 kg al qalıńlıǵı 2 sm. Noutbuk 1080 p videolardı kórsetedi. 11,6 dyumli ekranı bar. Al akkumulyator zaryadınıń ózi altı yarım saatqa jetedi eken. Modeldiń 16 gigabayt ishki yadı bar, 2 gigabayt OZU hám Google Drive-ta biypul 100 gigabaytı bar. Gadjettiń birden kózge ilinetuǵın artıqmashılıǵı retinde ventilyator joq ekenligi, sonday-aq USB hám HDMI di qollamaytuǵınlıǵının aytıwǵa boladı. Qurılmanıń baǵdarlamalıq úskeneleniwi bir yarım ay sayın jańalanıp turadı.