Asus kompaniyasınıń Transformer Book planshetli noutbugı haqqında

Asus kompaniyası Windows 8 operaciyalıq sistemasında jumıs isleytuǵın Transformer Book planshetli noutbuk islep shıǵaratuǵının rásmiy saytı arqalı xabarladı.

IPS mantritsası tiykarında dúzilgen jańa ónimniń planshet bólegi 1920x1080 yasheykadan turatuǵın 13,3 dyumge iye sensorlı ekran menen úskenelengen. Qurılma Intel Core i7 – 3517U yamasa Core i5 – 3317U processorları menen támiyinleniwi múmkin. Sonday-aq bul planshetli noutbuk 1600 megagerts jiyilikte isleytuǵın DDR 3 standartındaǵı tórt gigabaytlı operativ yadqa iye boladı. Sonıń menen bir qatarda qattı disk 128 gigabayt yadqa, micro SD/SDHC/SDXC formattaǵı yadqa arnalǵan slot hám sımsız tarmaqlar moduline iye boladı.

Bes megapikselli veb kamera eki jaǵına ornatılǵan. Sonic Master texnologiyasına arnalǵan akustikalıq sistema, mikrofon, noushnikti qosıwǵa arnalǵan dawıslı ajıratqıshlar da bul ónimniń qolaylılıǵın arttıradı.

Tovar kompleksine tayar klaviatura blogı da kiredi. Planshetli noutbuktıń qashan satıwǵa shıǵarılıwı házirshe belgisiz. Biraq endigiden bılay Windows operaciyalıq sistemalarınıń 8 hám keyingi versiyalarında tıshqansha qurılması ornatılmawı múmkin. Yaǵnıy onıń ornın sensorlı ekran arqalı barmaqlar orınlawı názerde tutılǵan.