Taǵı bir planshet tayarlıq aldında: Samsung 8 dyumǵa iye Galaxy Note plansheti

Samsung kompaniyası dúnyajúzlik texnologiyalar kongresine (Mobile Orld Congress) óziniń jańa Galaxy Note planshetin prezentaciya etiwge tayarlap atır.

Jańa Galaxy Note 8.0 yamasa GT-N5100 dep atalatuǵın planshet 8,3 dyumlı. Ekranı 1280x800 noqatqa keńeytilgen. Operativli yadı 2 Gb bolsa, ishki yadı 16 Gb-tan 32 Gb-qa shekem boladı eken. Sonday-aq ishki operativli yadın microSD-karta arqalı da úlkeytiwge boladı. Aldınǵı tárepinde 1,3 megapikselli kamera bolsa al artqı tárepinde 5 megapikselli kameraǵa iye.

Galaxy Note 8.0 planshetiniń salmaǵı – 330 gramm. Al jińishkeligi – 7,5 mm. Jańa devays Android 4.2 operaciyalıq sistemasında jumıs isleydi. Sonıń menen bir qatarda Wi-Fi hám uyalı telefonǵa arnalǵan Wi-Fi moduli de boladı.