Nokia uyalı telefonı hámmeni hayran qaldırmaqshı

Nokia kompaniyası sońǵı jılları uyalı telefonlar islep shıǵarıw boyınsha tómenlep ketken edi. Hátte ayırım analizshiler bul markanıń dáwiri tamamlandı dep boljaǵan da edi. Degen menen házirgi waqıtta uyalı telefon salasında eń sapalı marka usı Nokia telefonları. Onıń óndirisiniń tómenlewine iPhone hám Samsung telefonlarınıń kúshli básekelesiwi sebep boldı.

Biraq, Nokia markasınan úmit úzbegen tutınıwshılar ushın aldımızda taǵı kóplegen jańalıqlar bar. Ótken jazda bul kompaniya Lumia tipli telefondı satıwǵa shıǵarǵan edi. Jaqın arada usı tipli telefonnıń belgisi retinde Nokia EOS telefonın satıwǵa shıǵarmaqshı.

Bul telefonnıń eń tiykarǵı ayırmashılıǵı – júdá joqarı dárejede súwretke túsiriw qurılması bolıp tabıladı, yaǵnıy, burın bolmaǵan 41 MP. Budan basqa sapa máseleside eń baslı orında. Bunı aldınǵı Lumia920 telefonınıń rawajlanǵan nusqası dep aytıwǵada boladı.

Jaqında kompaniya wákilleri jurnalistler menen sáwbetinde endigiden bılay hár túrli planshetlerdi de járiyalaytuǵınlıǵı aytılǵan.

Finlyandiya radio-televiziya mákemesi jaqında Nokia kompaniyasınıń eń jańa ekonomikalıq hal-awhalın járiyalaǵan edi. Biraz jıllardan berli bankrot bolıwına sál qalǵan kompaniyanıń 2012 jıldıń sońǵı mezgilinde ekonomikalıq paydası 440 million evro bolǵan. Al 2011 jılı bul sandı kerisinshe 954 million evroǵa tómenlegen edi. 2011 jıl bul kompaniya ushın eń unamsız jıl bolıp, jalpı ónim qunı 10 milliard evrodan 8 milliard evroǵa tómenlep ketken edi.

Demek, 2012 jıldıń sońınan baslap ataqlı kompaniya tómenlewden ósiwge qaray jıljıdı degen sóz. Aldımızda ele járiyalanbaǵan qanshama texnikalıq qurılmalar bar. Nokia kompaniyası ushın pútkil dúnya tutınıwshılarınıń isenimin aqlaw usı 2013 jılda belgili boladı.