Dúnya júzindegi smartfonlardıń sanı bir milliardtan astı
Strategy Analytics kompaniyasınıń analizshileriniń bayanatındaǵı maǵlıwmatlarına sáykes 2012 jıldıń sentyabr ayınıń sońında dúnyadaǵı smartfonlardıń ulıwma sanı 1,038 milliardqa jetken.
Yaǵnıy, bul házirgi waqıtta dúnyadaǵı hár bir jetinshi adamda smartfon bar degen sóz. Álbette “aqıllı” telefonlardıń dúnya júzine tarqalıw aymaǵı birdey emes. Házirgi waqıtta smartfon industriyası 219 milliard dollarǵa bahalanǵan. Sonday-aq Samsung hámde Apple kompaniyaları smartfon óndiriwde aldınǵı orında. Bul kompaniyalarǵa básekilesiw ushın Nokia kompaniyası óz operaciyalıq sistemasın ashıq qılıwdı jolǵa qoyǵan. Sebebi házirgi waqıtta Android hám iOS sistemaları kópshiliktiń kewlinen shıqqan.