Telefonım qaylardasań, qaysı mánzil jaylardasań!

Telefonım qaylardasań, qaysı mánzil jaylardasań!

AQSH ta Lookout Mobile Security atlı kompaniyası qaltafonar qáwipsizligi hám olardı izlep tabıw xızmetin atqaradı. AQSH ta 2012 jılı qunı 300 million dollar kólemindegi qaltafon joytılǵan. Kún sayın jer sharında 7 million AQSH dollarına teń telefonlar joytıladı eken. Lookout kompaniyasınıń maǵlıwmatlarına qaraǵanda 2011 jılı joytılǵan barlıq telefonlardıń sanınıń qunı 23 million dollarǵa teń bolsa olardıń kópshiligi Android sisteması ornatılǵan qaltafonlar eken.

Germaniyanıń Keln bazarında mámleket boyınsha joytılǵan telefonlardıń 30% i mine usı bazarda joytılǵan bolsa Franciyanıń oraylıq bazarlarındaǵı telefon joytılıw waqıyası 72 %-ke kóbeygen.

Hár kúni Niagara sarqıramasın kóriwge kelgen sayaxatshılardıń qaltasınan kem degende 4 telefon urlansa, jańa jıl demelısında bul kórsetkishtiń aqshalay qunı 14 million dollarǵa jetedi eken.

Qaltafon eń kóp joytılatuǵın orınnıń birinshisi basseyn eken. Tabılıw kórsetkishi 50-75%.

Ekinshi orındı: taksi iyelegen. Tabılıw kórsetkishi 0-50 %. Takside otırıp oyın oynasańız yamasa internetten paydalanıp, biraq mánzilge jetkennen keyin qaltafonıńızdı usı jerde qaldırıp ketseńiz qanday jaǵday bolıwı hámmege málim.

Úshinshi orında: samolyot Tabılıw kórsetkishi: 0-15%

Tórtinshi orında: jónelisli avtokólikler, avtobus, metro, h.t.b. Tabılıw kórsetkishi: 0-2 %. Álbette bul jerde joytılǵan telefon urlanǵan bolıwı múmkin.

Besinshi orında: oqıw ornı. Tabılıw kórsetkishi 15-75%.

Házirgi waqıtta kópshilikte qaltafonlar bar. Sonlıqtan olardıń joytılıwınıń aldın alıw, qáwipsizlik sharaların alıp barıw zaman talabı. Uyalı telefonıńızdıń qáwipsizlik kodların jazıp alıw, orın belgilew baǵdarlamaların ornatıw, sonday-aq jeke informaciyalarıńızdı telefonda saqlasańız qáwipsizlik kodın ornatıw maqsetke muwapıq. Sebebi házirgi waqıtta joqarı texnologiyalar menen úskenelengen telefonlardıń 54%-i qáwipsizlik kodların qoymaydı eken. “Ózińe bek bol, qońsıńdı urı tutpa” dep aytılǵan dana xalqımızdıń naqılı uyalı telefonlar joytılıwınıń aldın alıwına kámil isenemiz.