iPad 5-tiń shıǵatuǵın kúni belgili boldı

"Apple" kompaniyası 2013 jıldıń mart ayında iPad 5 jańa planshetin shıǵaradı eken. Bul haqqında CNews.ru portalı xabarladı.
Jańa iPad-tıń dúzilisi kishireyip, salmaǵıda jeńil boladı. Al dizayn jaǵınan iPad mini-ǵa kóbirek uqsas bolatuǵınlıǵı aytılǵan. iPad 4- ke qaraǵanda hár tárepeme júdá qolaylı bolıp, ólshemi 4 millimetrge qısqarsa al qalıńlıǵı 2 millimetrge qısqaradı eken.

Informaciya ásiri dep atalǵan házirgi waqıtta bul texnologiyalar jedellik penen rawajlanıp, hátteki adamzat bul texnologiyalardıń izinen quwıp jetiwdiń ozi ańsat emes. Bahası jaǵınan meyli "Apple" bolsın meylı "Samsung" bolsın óz ónimlerin qımbat bahalamaqta. Kópshilik paydalanıwshılar ushın bul mobil qurılmalardan paydalanıw dáslepkisinde qızıq kóringeni menen kópshilik paydalanıwshılar bul ónimlerge qol jetkize almaydı. Degen menen IT texnologiyalar básekileri toqtamasa uyalı telefonlar sıyaqlı bul planshet ónimleride hár bir adamnıń qaltasında bolıwına kámil isenemiz.