Jańa ayrıqsha noutbuk

Kompyuter texnikasın satıp alıw ushın kópshilik adamlarda “qaysısın alsam eken? , qaysıları jaqsı eken…” degen sorawlar tuwıladı. Biraq satıp alınǵan gadjetlerdiń barlıǵı shama menen birdey funkciyalar menen qamtılǵanına itibar beriw kerek. Meyli noutbuk, meyli smatrfon bolsın ekewinde de ulıwma funkciya jetkilikli.

Usı máseleni sheshiw ushın Prashat Shandra atlı dizayner Lifebook noutbugınıń úlgisin islep shıqtı. Dizayner óz islenbesin islewden aldın gadjetlerdiń bir-birin jiyi qaytalaytuǵınlıǵı haqqında izertlewler alıp bardı. Mısalı cifrlı kameralar smartfonlarda da, planshetlerde de, noutbuklerde de bar. Onıń aytıwına qaraǵanda onıń ornına bul qurılmalardıń hámmesine birdey almalı-salmalı kamera islengeni jaqsıraq hámde bul finanslıq jaqtanda únemli boladı eken. Tap usınday jaǵday processorlar menen qabıllawıshlarǵa da (Bluetooth, Wi-fi, 3G hám GPS) tiyisli.

Lifebook noutbugınıń islengen úlgisi uyalı telefon, planshet, fotoapparat hám audiopleerleri óz ishine alǵan. Al usılardıń barlıǵı noutbuktı quraydı, sonday-aq zárúr bolǵan jaǵdayda hár bólek ózine tán funkciyalardı jeke orınlay aladı. Álbette atalǵan noutbuktıń ayırım jerlerinde qaytalawlar orın alǵan. Mısalı, Wi-Fi menen Bluetooth telefon menen planshettede bar. Esesine ulıwma pleer menen kameranıń arqasında hár bir paydalanıwshı aqshasın únemleytuǵın boladı.

Sonı aytıp ótiw orınlı, atalǵan qurılma usı jılı satıwǵa shıǵarılıwı múmkin.