Mail.Ru portalı hám onıń tariyxı

Mail.Ru – portalınıń internet tarmaǵında tutqan ornı girewli. Bul portaldan kóplegen mámleketlerdegi internet paydalanıwshıları paydalanǵanlıqtan onıń auditoriyası kópshilikti quraydı. Ay sayın onıń auditoriyası 50 million paydalanıwshıǵa artadı. Onıń resursı Mail.ru Group investiciyalıq toparına tiyisli.

1998 jılı Peterburgte DataArt softvern kompaniyasında jumıs isleytuǵın baǵdarlamashılar veb-server poshtası ushın jańa baǵdarlamalıq támiyinleniw sistemasın jarattı. Bul xızmetti sınaqtan ótkeriw ushın onı waqtınsha internettegi rus paydalanıwshıları ushın ashıq baylanısqa engizgen, al bunday baylanıs túri kópshilikke tanıla baslaydı.

Portaldıń baslı wazıypası - @mail.ru elektron poshta xızmeti bolıp tabıladı. Paydalanıwshılarǵa qolaylı bolıw ushın poshta qutısı arqalı izlew xızmeti, mákan-jay kitapshası, jazıwlardıń imlasın tekseriw, awdarma xızmetleri, kúndelik hám eskertiw sistemaları islep shıǵılǵan.

2002 jıldan baslap Mail.ru kompaniyası elektron poshta xızmetlerinde spam hám viruslar menen gúresiwge bel bayladı. Bul taraw boyınsha spam hám viruslar menen gúresiw boyınsha «ДиалогНаука» (antivirus Dr.Web), «Лаборатория Касперского» («Антивирус Касперского») hám «Ашманов и партнеры» (Антиспам) kompaniyaları menen birge islespekte. 2002 jıldıń báhárinde Mail.ru elektron poshta xızmetinde domenler sanı kóbeye basladı, sol waqıttan baslap usı elektron poshtadan dizimnen ótiw ushın mail.ru domeni menen birge inbox.ru, bk.ru, list.ru, domenleri qosıldı.

2003 jıldan baslap poshta yashigindegi trafik mólsheriniń sheklewin alıp taslaǵanı haqqında málimlep, paydalanıwshılarǵa informaciya almasıwda erkinlik berdi.

2004 jılı Mail.ru xat jiberiwdegi isenimlilikti tekseriw ushın óziniń poshta serverleri jumısında SPF standartların qollana basladı.

2007 jılı Sankt-Peterburg, Ekatenburg, Novosibirsk, Samara, Kiev qalalarında kompaniyanıń xızmet kórsetiw ofisleri ashıldı.

2008 jıldıń jaz ayında Mamba.ru-dıń 30 %-i Mail.ru tanısıw saytına tiyisli ekeni málim boldı. 2009 jılı dekabrde Mail.ru Astrum Online Entertainment kompaniyasınıń 100% akciyasın satıp alǵanı haqqında málimlep, Rosiyadaǵı onlayn-kewil kóteriw tarawınıń aldınǵı qatarına shıqtı.

2010 jıldan baslap Mail.ru jumısı xızmetinde ózleniń islep shıqqan GoGo.ru xızmeti engizildi. Yandex Mail.ru saytına izlew xızmetlerin usınıwdı dawam ettiriw ushın Mail.ru logotipiniń qasına Yandex logotipiniń kórsetiliwi shárt etip usındı, biraq Mail.ru bul shártnamaǵa qarsı shıqqannan keyin Yandex izlew xızmetin paydalanıw tuwralı shártnamanı uzartıwǵa bas tarttı. Direkt Google AdOrds retinde qollana basladı.

Mail.ru-dıń vitse-prezidenti hám texnikalıq direktorı Vladimir Gabrielyannıń aytıwı boyınsha portaldıń xızmet kórsetetuǵın segiz orayı bar hám server sanı 9000 dı quraydı. Mail.ru-dıń texnikalıq departamentinde jeti júzden aslam qánige jumıs isleydi.

2000 jılı fevral ayında Mail.ru elektron poshta xızmetinen dizimnen ótken akkauntler sanı bir millionǵa jetti. Bul rekord rásmiy túrde dizimge alınıp, Rossiyanıń Ginnes rekordlar kitabına kiritildi. 2005 jılı noyabr ayına shekem Mail.ru saytında 30 million paydalanıwshı hám 25 million elektron xatlardan bar edi. TNS boyınsha 2009 jılı martta Mail.ru saytı Runette ataqlı saytlar ishinde ekinshi orınǵa iye boldı.

2009 jılı may ayında Mail.ru-dıń paydalanıwshılar sanı shama menen kúnine 14 mln-ǵa jetti. Kompaniya usı atı menen 2001 jıldıń 15 oktaybrınan baslap iskerlik kórsetedi, usı waqıtqa shekem Mail.ru brendi Port.ru kompaniyasına tiyisli bolǵan eken. Alexa.com reytingi boyınsha 2001 jılı iyul ayında bul sayt dúnyadaǵı ataqlı kompaniyalar qatarında 33-orınǵa iye boldı. Mail.ru portalınıń auditoriyası ayına shama menen 27 million adamdı quraydı.

Onıń eń ataqlı xızmetleri – elektron poshta (ayına 22,7 mln adam) , Мой мир@Mail.ru (19,8 mln) hám «Одноклассники» (17,3 mln).Sonıń menen bir qatarda úlken auditoriyası Mail.ru Agent messendjeri ayına 15 million adamdı quraydı.

Mail ru portalı házirgi waqıtta elektron poshta xızmetinen basqa da kóplegen internet xızmetlerin ózinde qamtıydı.
• Paydalanıwshılardıń qarım-qatnası menen baylanıslı xızmet toparı: Mail.ruAgent – jedel informaciya almasıw baǵdarlaması;
• Мой Мир@mail.ru – sociallıq tarmaq;
• Blogoxosting Блоги@mail.ru;
• Runettegi eń belgili Ответы@mail.ru soraw-juwap sisteması, sonıń menen bir qatarda fayl almasıw xızmeti, foto hám video hosting, chatlar hám t.b;
• “Tovarlar hám xızmetler” xızmet kórsetiw toparı;
• Izlew xızmetleri: Поиск@mail.ru;
• Kewil-kóteriw xızmetler toparı, afishalar h.t.b;
• Informaciyalıq xızmet kórsetiw toparı (Новости@mail.ru, Hi-Tech@mail.ru, Авто@mail.ru, Леди@mail.ru, Дети@mail.ru, Здоровье@mail.ru hám basqalar), sonday-aq Рейтинг@mail.ru.

Tayarlaǵan: Kalmuratov B.
Paydalanılǵan ádebiyatlar: В.А.Аксак Жизнь в сети c @MAil.Ru. Шаг за шагом — М.: Эксмо, 2008., http://ru.wikipedia.org/wiki/Mail.Ru