Tan’lag’an qa’niygeligin’ boyınsha joqarı oqıw ornına tapsırıp, mine oqıwg’ada kirdin’. Endi sen studentsen’! Akademiyalıq litsey yamasa ka’sip o’ner kolledji bosag’asınan salmaqlı o’mir bosag’asına qaray qa’dem tasladın’. Student bolıw arqalı o’zin’she ko’p na’rselerdi u’yrenesen’. O’z betin’she izlenesen’ ha’m talpınasan’.

Joqarı oqıw orınlarında studentler qanday a’dep ikramlıq qag’ıydalarına a’mel qılıwı kerek?

Professor-oqıtıwshılar ha’m studentlerdin’ ta’lim ta’rbiya protsessindegi o’z ara qatnasıqlar

• Professor-oqıtıwshılar ha’m studentlerdin’ ta’lim ta’rbiya protsessindegi o’z-ara qatnasıqları “Ustaz-sha’kirt” milliy da’stu’rlerine tiykarlanıwı lazım.
• Professor-oqıtıwshı auditoriyag’a kirgeninde barlıq studentler orınlarınan turıp sa’lemlesiwi, keyin otırıwı lazım.
• Sabaq waqtında mobil baylanıs qurallarınan paydalanıw ha’mme ushın qadag’an etiledi.
• Student o’zinin’ unamsız ha’reketleri menen sabaq o’tiwge kesent etse, professor-oqıtıwshı bolg’an jag’day haqqında dekanattı xabardar etip ha’m onın’ ruxsatı menen bunday studentti sabaqtan shetletiwi mu’mkin.

Studentlerdin’ o’z ara qatnasıqları



• Studentlerdin’ o’z-ara qatnasıqlarında – jalg’ız komanda, o’z-ara hu’rmet ha’m itibar, doslıq, miyrimlilik, hadallıq ha’m a’dillik printsipleri a’mel qılınıwı lazım.
• Studentler qatnasıqlarında insan qa’dir-qımbatına hu’rmetsizlik qılıw, kemsitiw, o’zgenin’ intelektual mu’lkin o’zlestirip alıw, qopallıq, biyhaya so’zlerdi qollanıw, to’belesiw, o’zgelerge ruwxıy, materiallıq ha’m fizikalıq zıyan jetkiziw qatan’ qadag’an etiledi.

Studentlerdin’ a’dep-ikramlıqqa baylanıslı ma’jbu’riyatları
– Joqarı oqıw ornı aymag’ında:
• aymaqqa kirgende studentlik gu’walıg’ın ko’rsetip kiriw;
• aymaqtı pataslamaw ha’m shıg’ındılardı ko’rsetilgen orıng’a taslaw;
• ustazlar menen dus kelgende sa’lem beriw;
• oqıw protsessinde (sabaq waqtında) aymaqta sebepsiz ju’rmew;
• joqarı oqıw ornı mu’lkine itibarlı bolıw;
• kiyiniw ha’m o’z-ara so’ylew ma’deniyatına a’mel qılıw;
• ruxsatsız tu’rli reklama quralların aymaqqa ildirmew;
• turmıslıq tınıshlıqqa a’mel qılıw;
• narkotik ha’m psixotrop zatlar, alkogol ha’m temeki o’nimlerinen awlaq ju’riw ha’mde tarqatılıwına qarsı gu’resiw.

– auditoriyada


• mobil baylanıs quralların o’shirip qoyıw;
• sabaq waqtında so’ylespew;
• u’skenelerge ma’deniy qatnasta bolıw, partalarg’a jazbaw;
• qag’az ha’m basqa kereksiz zatlardı qaldırıp ketpew;
• awqatlanbaw, shaqqız shaynamaw.



– studentler jataqxanalarında
• bar u’skenelerdi saqlaw;
• elektr-energiyası, gaz ha’m suw resurslarınan u’nemli paydalanıw;
• sanitariya ha’m gigena bo’lmelerinen paydalanıw qag’ıydalarına a’mel qılıw;
• studentler jataqxanası “Nızamı” ha’m “İshki ta’rtip qag’ıydaları”na qatan’ a’mel qılıw.

SONDAY-AQ KEN’ESLER:
Topar menen tatıw bolıw

To’rt jıl boyı birge oqıytug’ın toparın’ menen o’z ara tatıw bolıw. Ha’r topardın’ o’z topar jetekshisi boladı, ol o’z taparının’ sabaqqa ha’m ja’miyetlik jumıslarg’a qatnasın baqlaydı.

Durıs awqatlanıw
Waqtında awqatlanıwdı umıtıp ketpe. Arzan eken dep ha’r ku’ni tez tayarlanatug’ın (fast food) awqatlardan awız tiye bermew kerek, ıssı awqatlanıwg’a ha’reket et.

Puldı u’nemlew



Ja’miyetlik jumıslarg’a belsendi aralasıw



Joqarı oqıw orınlarındag’ı ja’miyetlik sho’lkemler, toparlar belsendi ag’zası bolıwg’a tırısıw. Bul belsendiligin’ menen ko’pshilik ortasında jumıS islew qa’bilyetin’izdi arttıradı. Bilim alıwdı birinshi orıng’a qoyıp, ekewinede u’lgeriwge ha’reket etiw.



Studentlik altın da’wir dep biykar aytılmag’an. Joqarı oqıw ornında o’tken ha’r bir ku’nin’iz mazmunlı ha’m qızıqlarg’a tolı bolsın! Joqarı jetiskenliklerge erisiwin’izge tileklespiz!


material www.megaline.uz arxivinen tayarlandı. (28-avgust, 2013 jıl).