Microsoft korporaciyasınıń Windows 8 jańa sisteması burıngı operaciyalıq sistemalarǵa qaraǵanda bahası úsh ese qımbatladı

2013 jıldıń fevralınan baslap, Windows 8 operaciyalıq sistemasın ornatıw burınǵıǵa qaraǵanda 3 ese qımbatlaydı. Microsoft korporaciyası bul operaciyalıq sistemalardıń sınaqqa arnalǵan sońǵı úlgilerin tekserip shıqtı.

Windows Home paydalanıwshıları házirgi waqıtta bul baǵdarlamanı ornatıwǵa 40 dollar sarıplasa, fevral ayınan baslap bul xızmet ushın 120 dollar tólew kerek boladı. Al Windows 8 Pro sistemasınıń jańalanıwı 200 dollarǵa shekem baradı. Sonday-aq Windows 8 sistemasınıń Developer Preview, Consumer Preview yamasa Release Preview úlgileriniń (sınalatuǵın nusqaları) waqtı tamamlandı. Endi paydalanıwshılar 40 dollar tólep sońǵı nusqasın ornatıwı kerek.

Esletip ótemiz, 2012 jıldıń 26 oktyabrinde Windows 8 operaciyalıq sisteması dúnyanıń 140 eline tanıstırılǵan edi. Sonday-aq jańa sistema 37 tilde tanıstırılıp, eń tiykarǵı ayırmashılıǵı sensorlı displeyi bar qurılmaǵa arnalǵan edi. Sonıń menen bir qatarda bul kompaniya Internet Explorer 10 brouzerin islep shıǵardı. Al planshetlerge arnalǵan Windows 8 operaciyalıq sistemasınıń RT versiyası islep shıǵarıldı.