Windows hám Android operaciyalıq sisteması tiykarında jaratılǵan planshet

Samsung korporaciyası jańa ATIV Q dep atalǵan planshetti tanıstırdı. Onı noutbuk retinde paydalanıw ushında úskeneler ornatılǵan. Sonıń menen bir qatarda, ATIV Q planshetiniń baslı artıqmashılıǵı ol Android Jelly Bean hám Windows 8 operaciyalıq sistemaların qollaydı. Yaǵnıy eki OS da isleydi degen sóz.

Samsung ATIV Q 13-dyumlı, múmkinshiligi 3200x1800 pikselli displeyge iye hámde Intel Haswell Core i5 processorı menen úskenelengen. Sonday-aq ol 128 gigabaytlı SSD diskovod, USB 2.0 hám 3.0 portları menen támiyinlengen. microSD kartasınıń yadın bir neshe esege úlkeytiwge boladı. Qurılmanıń qalıńlıǵı 14 mm bolsa, salmaǵı 1,3 kg.

Házirshe Samsung ATIV Q gibridli planshettiń bahası hám satıwǵa shıǵarılıw kúni belgisiz.


derek kózi: gadgetblog.ru