Microsoft Office 2013 yanvar ayınan baslap satıwǵa shıǵarıldı

Microsoft Office 2013 versiyası yanvar ayınıń 29-ı kúninen baslap satıwǵa shıqtı hám bahası belgili boldı. Bul tuwralı kompaniya rásmiy saytında aytılǵan.

Ólshemli Office 2013-tiń bahası 369 AQSH dolları, professional dárejedegi versiyanıń bahası 499 AQSH dolları, shańaraq, oqıwshı yamasa studentlerge arnalǵan versiyası 139 AQSH dollar hám biznes wákillerine arnalǵan versiyası 219 dollar eken.

Microsoft kompaniyası Office 365 dep atalǵan xızmet kórsetiw túrin de qosqan, onda paydalanıwshılar ónimniń aqshasın bir ayda yamasa bir jılda bólip tóley aladı. Office 365 sistemasında Ord, Excel, Power Point, OneNote, Outlook, Access, Publisher baǵdarlamaları bar.