Google korporaciyası internet-radionı tanıstırdı

Jaqında Google korporaciyası Google Play Music All Access dep atalǵan muzikalıq xızmetti kópshilikke tanıstırdı. Jańa xızmet Google I/O konferenciyası kúni tanıstırıldı dep xabarlaydı The Verge.

Google Play Music All Access xızmeti arqalı korporaciya serverinde saqlanǵan millionlaǵan qosıqlardı tıńlawǵa múmkinshilik beredi. Servisti paydalanıw ushın ay sayın 9,99 dollar tólew kerek eken. Al biypul úlgisin bir ayǵa paydalanıwǵa múmkinshilik beredi.

The Next Web dáslepkisinde tek AQSHta jumıs isleydi dep xabarlaǵan. Google kompaniyası Google Play Music All Access xızmetin waqıttıń ótiwi menen basqada ellerge usınıwın málimledi.

Google kompaniyasınıń menedjeri Kris Erga prezentaciya waqtında jańa xızmet “muzika álemine” ǵana emes, sonıń menen bir qatarda “izlewge” de bolatuǵınlıǵın aytqan. Sebebi Google Play Music All Access paydalanıwshı talǵamına sáykes oǵan belgili bir qanday qosıqlar unaytuǵınlıǵın bilip, usınıp turatuǵın boladı. Bul xızmetten internet brauzerlerinende, mobil qurılmalar arqalıda paydalanıwǵa boladı.

Esletip ótemiz “Google Play Music All Access” Google Play Music atlı tayar xızmet betinde qurastırılǵan. Sonı atap ótiw lazım Google Play Music xızmeti – bul paydalanıwshılar ushın qosıqlar menen qosıq albomların satadı. Bunnan tısqarı Google Play atlı cifrlı dúkan Android baǵdarlamaların, kitaplar hám filmlerdi satıw menen shuǵıllanadı.