Samsung Galaxy smartfonlarınıń ólshemi jánede úlkeydi

Samsung kompaniyası Galaxy Mega 6.3 atlı eń úlken smartfondı islep shıǵarıwdı baslap jiberdi. Telefondaǵı ornatılǵan ekrannıń ólshemi 6,3 dyum. Jańa ónimde jaylasqan bunday ólshemdegi ekran arqalı video kórip hám eki birdey baǵdarlama menen bir waqıtta jumıs islewge júdá qolaylı boladı. Displeydiń múmkinshiligi (ólshemi) – 1280x720 piksel.

Samsung Galaxy Mega 6.3 Android 4.2 TouchWiz (Nature) OS tiykarında jumıs isleydi. Smartfon eki yadro bolıp, onıń jiyiligi 1.7 GGts processorı menen jumıs isleydi. Tiykarǵı kamerası 8 megapiksel bolıp, qosımsha kamerası 1,9 megapikseldi quraydı.

Apparattıń ishki yadı 8 hám 16 GB bolatuǵın eki nusqada shıǵarıladı. Sonday-aq model yadı 64 GBqa shekemgi microSD kartasın qollay aladı. Akkumulyator sıyımlılıǵı 3200 mAsaat. Samsung Galaxy Mega 6.3 tiń salmaǵı – 199 gramm.


derek kózi: hi-tech.mail.ru