Baǵdarlamashı bolıw ushın ayırım keńesler

IT (Information Technology-Informaciyalıq texnologiya) tarawınıń tezlik penen rawajlanıwına baylanıslı usı qánigege bolǵan qızıǵıwshılıq ta artıp barmaqta. Usınday qánigelerdiń biri – baǵdarlamashı, sonlıqtan kópshilikti mına soraw qızıqtıradı: qalay baǵdarlamashı bolıwǵa boladı?

Baǵdarlamashı bul –EEMları ushın baǵdarlama dúziwshi adamlar. Baǵdarlamalastırıwdı úyrengen adam, maǵlıwmatlar bazası baǵdarlamashıshı, kompyuter baǵdarlamashısı, veb-baǵdarlamashı, 1C baǵdarlamashısı, paydalanıwshı baǵdarlamasın, h.t.b. oyınlardı dúze aladı.

Joqarı dárejeli baǵdarlamashı bolıw ushın tınbay hám uzaq miynet etiw lazım. Óz bilimin jánede jetlistiriw baǵdarlamashılar ushın zaman talabı. Bilimsiz baǵdarlamashı bolıw múmkin emes.

Inglis tilin bilmesten baǵdarlamashı bolıw ańsat emes. Kópshilik baǵdarlamalastırıw inglis tilinde ámelge asırıladı. Al óz betinshe baǵdarlamashı bolıw ushın inglis tilindegi qollanbalardı oqıw maqsetke muwapıq.

Baǵdarlamalastırıwdı C++ tilinen baslaǵan maqul. Birinshiden, ol baǵdarlamalastırıwdıń tiykarların úyreniwge járdemlesedi. Ekinshiden, baǵdarlamalastırıw tileriniń kópshiligi C++ tiline tiykarlanǵan.

Kompyuterdi basqara alatuǵın qural bul baǵdarlamalastırıw tilleri. Yaǵnıy obyektke baǵdarlanǵan baǵdarlamalastırıw tilleriniń birin úyreniw hám onda óz jobańızdı baslaw, tereń úyreniw, informaciya ásirinde zaman talabına aylanbaqta.