2-ámeliy jumıs: Python-da jumıstı baslaw

1. Pythondı ornatıw
1. python.org saytınan Pythonnıń aqırǵı versiyasın júklep alıń
2. Ornatıwshı fayl arqalı ornatıń
3. Ornatıw waqtında "Add Python to PATH" opciyasın belgilep qoyıń
2. IDE (redaktor) tańlaw
Eń jaqsı redaktorlar:
• PyCharm (baslawshılar ushın)
• Visual Studio Code (universal redaktor)
• IDLE (Python menen birge keletuǵın ápiwayı redaktor)
Python ornatıw
Kóp kompyuterler hám Maclerde Python álleqashan ornatılǵan bolıwı múmkin.
Windows kompyuterińizde Python ornatılǵanlıǵın tekeriw ushın, baslawshı panelde Python dep izleń yamasa Komanda qatarında (cmd.exe) tómendegini orınlań:

Linux yamasa Macte Python ornatılǵanlıǵın tekeriw ushın, Linuxta komanda qatarın ashıń yamasa Macte Terminaldı ashıń hám tómendegishe jazıń:

Eger kompyuterińizde Python ornatılmaǵan bolsa, onı tómendegi veb-sayttan biypul júklep alıwıńız múmkin: https://www.python.org/
Python tez baslaw
Python - bul interpretatorlı programmalastırıw tili, yaǵnıy baǵdarlamashı Python (.py) faylların tekst redaktorında jazadı, keyin bul fayllar orınlanıw ushın Python interpretatorına jiberiledi.
Python faylın komanda qatarında usılay iske túsiriw múmkin:

Bunda "helloworld.py" - siziń Python faylıńızdıń atı.
Keliń, birinshi Python faylımızdı jazamız, ol helloworld.py dep ataladı, onı hár qanday tekst redaktorında jazıw múmkin.
helloworld.py

print("Hello, World!")

Usınday ápiwayı. Faylıńızdı saqlań. Komanda qatarın ashıń, fayl saqlanǵan papkaǵa ótiń hám orınlań:

C:\Users\*Siziń Atıńız*>python helloworld.py

Nátiyjede tómendegini kóriwińiz kerek:

Hello, World!

Qutlıqlaymız, siz óz birinshi Python programmańızdı jazdıńız hám orınladıńız.
Python Komanda Qatarı Python kodın tekseriw ushın geyde faylǵa jazbastan-aq test qılıw jeńilirek hám tezirek bolıwı múmkin. Bul Python komanda qatarı túrinde islew múmkinshiligin beredi.
Windows, Mac yamasa Linux komanda qatarında tómendegini jazıń:

C:\Users\*Siziń Atıńız*>python

Yamasa, eger "python" buyırǵı islemese, "py" buyırǵın paydalanıp kóriwińizge boladı:

C:\Users\*Siziń Atıńız*>py

Sol jerden hár qanday Python kodın jazıwıńız múmkin, sonıń ishinde biziń aldıńǵı hello world mısalımızdı da:

C:\Users\*Siziń Atıńız*>python

Python 3.6.4 (v3.6.4:d48eceb, Dec 19 2017, 06:04:45) [MSC v.1900 32 bit (Intel)] on win32
Type "help", "copyright", "credits" or "license" for more information.
>>> print("Hello, World!")

Bul komanda qatarında "Hello, World!" jazıwın shıǵaradı:

C:\Users\*Siziń Atıńız*>python
Python 3.6.4 (v3.6.4:d48eceb, Dec 19 2017, 06:04:45) [MSC v.1900 32 bit (Intel)] on win32
Type "help", "copyright", "credits" or "license" for more information.
>>> print("Hello, World!")
Hello, World!

Python komanda qatarın paydalanıp bolǵanıńızdan keyin, onnan shıǵıw ushın tómendegini jazıń:

exit()