Haqıyqıy dos tarmaqta ma?
2012 jıldıń 5 noyabr kúni Facebook rásmiy veb saytı sociallıq tarmaqlardı shennen tıs paydalanıw densawlıqqa zıyan dep járiyaladı. Ilimpazlar Facebook sıyaqlı sociallıq tarmaqta kúni-túni onlaynda otıratuǵınlardıń haqıyqıy ómirdegi adamlar menen qarım qatnas dárejesiniń tómenlewine alıp keledi, delinbekte.
Atalǵan informaciyaǵa súyensek hár kúni Facebook-tıń barlıq paydalanıwshılarınıń tikkeley tarmaqta paydalanatuǵın waqtın esaplaǵanda, bir milliard bes júz million minutqa tuwrı keledi eken.
Facebook álemindegi adamlar bir-biri menen informaciyalardı bólisiw jaǵınan jaqın dos retinde tanısıp, kúndelikli onlayn arqalı baylanısadı, kók ekranǵa, internetke ǵárezlilik sezimi payda boladı. Sońǵı waqıtları Facebook adminstraciyası óz paydalanıwshılarına reti menen paydalanıwǵa keńes beredi.
Sociologlar menen psixologlardıń aytıwınsha «Facebook sıyaqlı sociallıq tarmaqlar tez hámde ańsat qarım-qatnas qılıw retinde kórinedi de, kóz aldımızdaǵı informaciyalar tolqını sizdi jutıp kete beredi. Biraq, ol siziń ómirińizdi emes al ol siziń waqtıńızdı óltiriw menen birge, haqıyqıy ómirdegi doslarıńız benen óz-ara qatnasıqlarıńızdı alıslatadı hámde haqıyqıy ómirińizdegi qandayda bir qatnasıqlarǵa nemquraylıq penen qarap baslawǵa alıp keledi.» deydi. Demek solay eken sociallıq tarmaqlar arqalı virtual ómirde qansha dos arttırsaqta haqıyqıy ómirimizdegi doslarımızdan hesh qashan bas keshpeyik. Haqıyqıy dostı qandayda bir tekstler yamasa jansız súwretlerde keltirilgen onlayn (virtual) jollar arqalı emes al ájayip ómir jollarınan izlegen maqul, sonda ǵana haqıyqıy doslıq mángi saqlanadı.
Kalmuratov B.
Atalǵan informaciyaǵa súyensek hár kúni Facebook-tıń barlıq paydalanıwshılarınıń tikkeley tarmaqta paydalanatuǵın waqtın esaplaǵanda, bir milliard bes júz million minutqa tuwrı keledi eken.
Facebook álemindegi adamlar bir-biri menen informaciyalardı bólisiw jaǵınan jaqın dos retinde tanısıp, kúndelikli onlayn arqalı baylanısadı, kók ekranǵa, internetke ǵárezlilik sezimi payda boladı. Sońǵı waqıtları Facebook adminstraciyası óz paydalanıwshılarına reti menen paydalanıwǵa keńes beredi.
Sociologlar menen psixologlardıń aytıwınsha «Facebook sıyaqlı sociallıq tarmaqlar tez hámde ańsat qarım-qatnas qılıw retinde kórinedi de, kóz aldımızdaǵı informaciyalar tolqını sizdi jutıp kete beredi. Biraq, ol siziń ómirińizdi emes al ol siziń waqtıńızdı óltiriw menen birge, haqıyqıy ómirdegi doslarıńız benen óz-ara qatnasıqlarıńızdı alıslatadı hámde haqıyqıy ómirińizdegi qandayda bir qatnasıqlarǵa nemquraylıq penen qarap baslawǵa alıp keledi.» deydi. Demek solay eken sociallıq tarmaqlar arqalı virtual ómirde qansha dos arttırsaqta haqıyqıy ómirimizdegi doslarımızdan hesh qashan bas keshpeyik. Haqıyqıy dostı qandayda bir tekstler yamasa jansız súwretlerde keltirilgen onlayn (virtual) jollar arqalı emes al ájayip ómir jollarınan izlegen maqul, sonda ǵana haqıyqıy doslıq mángi saqlanadı.
Kalmuratov B.