Mobil qurılmalar sensorın tazalawǵa arnalǵan gadjet

Házirgi waqıta robot texnikaları turmısımızǵa áste aqırınlıq penen kirip kiyatırǵalıǵı belgili. Jaqında usınday robottıń taǵı bir túri tanıstırıldı. Onıń basqalarınan tiykarǵı ayırmashılıǵı – ol edendi tazalaw yamasa asxana jumısın islewge emes, al smartfon hám planshet korpusın tazalawǵa arnalǵanlıgı.

AutoMee S dep atalǵan gadjettiń ólshemi – 67x73x38 mm. Al salmaǵı – 82 gramm. Quwatlıqtı AA tipli batarekasınan aladı. Sonday-aq ol úsh saat dawamında úziliksiz jumıs islewge uqıplı. Gadjet smartfon betin 4 minutta tazalap shıǵadı. Al planshet betin tazalaytuǵın bolsa odan eki ese jumıs isleydi. Yaponiyalıq AutoMee S ónimi 28-martta satıwǵa shıǵarıladı eken. Onıń dúkanlardaǵı bahası 17 dollardı qurawı kútilmekte.

súwret, derek kózi: gadgetblog.ru