Eń ataqlı hám kóp qollanılǵan sózler

Internet tarmaǵında sońǵı waqıtları eń kóp qollanılǵan sózler dizimi, sonday-aq eń kóp izlenetuǵın tiller menen tanıstıramız.

«Washington Profile» járiyalaǵan Internette sońǵı jılları eń ataqlı bolǵan sózlerdiń onlıǵı. Olar tómendegishe:
• refugee
• cunami/tsunami
• Pope/Papa (Bul sózdiń jiyi qollanılıwı Rim papasınıń saylawı qarsańında kóp bolǵan)
• chinglish/changliyalıq til (inglis hám qıtay tilleriniń kombinaciyası, burınları –“pidjin-inglish” dep atalǵan)
• Katrina (AQSHqa úlken zıyan alıp kelgen teńiz dawılı)
• wiki
• SMS
• insurgent

Al “Global Language Monitor” dúnya jaslarınıń sońǵı waqıtları qanday soz’lerdi jiyi qollanatuǵının jazdı. Olar:

• Crunk (hip-hop janrınıń bir baǵdarı bolıp ol, “kewilli” degen mánisti bildiredi)
• Mang (man- “adam” yamasa “er adam” sózleri)
• Mad (“kóp” sóziniń basqasha aytılıwı)
• Props (qol shapalaqlar yamasa alǵıstıń basqasha túri)
• Áight (All right “barlıǵı jaqsı”, barlıǵı durıs)
• Bizznizzle (repper Snoop Dogg birinshi qollanǵan sóz, ol “is” degen mánisti bildiredi)
• S’up (inglisshe “what is up” yamasa “qalaysan?” sóz dizbeginen kelip shıqqan)

Sonday-aq jáne bir eń kóp qollanılǵan sóz O.K., OK yamasa Ókay. Bul sóz inglis tiline XIX ásirdiń ortasında kirip keldi.

«Global Language Monitor» esabı boyınsha, dúnyada 6912 til bar eken. Inglis tilinde 989 614 ke shamalas soz’ bolıp biraq ápiwayı amerikalıqlardıń sózlik bazası 14 mıńnan aspaydı eken. Willyam Shekspir 24 mıń sóz qollanǵan.

Al “Internet Orld Stats” Internette kóp izlenetuǵın on tildiń dizimin usındı. Olar:

• inglis tili – Internet paydalanıwshılardıń 29.7%
• qıtay - 13.3%
• yapon - 7.9%
• ispan - 7.5%
• nemis - 5.4%
• francuz - 4.6%
• portugal - 3.1%
• koreya - 3.1%
• italyan - 2.7%
• rus - 2.2%