Videokonferenciya uzaq mánzillerdi jaqınlastıradı
TITU hám onıń aymaqlıq filialların kompyuterlestiriw, materillıq texnikalıq bazasın bayıtıw, jánede kompyuter klassları menen támiyinlew maqsetinde 2011 jılda TITU 158, Ferǵana filialı 18, Samarqand filialı 12, Qarshı filialı 12, Úrgenish filialı 23, Nókis filialı 20 kompyuter menen támiyinlendi.
TITU Nókis filialında aralıqtan oqıtıwdı ámelge asırıw ushın Huawei kompaniyasınıńvideoterminal úskeneleri hám server marshurtizatorları ornatıldı hám de oqıw processlerine engizildi. TITU tájiriybeli professor oqıtıwshıları háptesine 8 saattan filial studentlerine informaciya texnologiyaları hám programmalastırıw tilleri boyınsha sabaqlar alıp barılmaqta. Universitettiń tájiriybeli professor oqıtıwshıları tárepinen videokonferents-baylanıs arqalı lekciyalar ótilmekte.
Házirgi waqıtta TITU Nókis filialında 2 videokonferenciya xanaları bar. Birinshi videokonferenciya xanası TITU hám onıń filialları jalǵanǵan bolıp bunda aralıqtan oqıtıw procesi TITU hám onıń aymaqlıq filialları arasında ámelge asırıladı.
Al ekinshi xana "Milliy elektron bilimlendiriw tarmaǵı" arqalı jalǵanǵan bolıp bul tarmaq Ózbekstandaǵı joqarı oqıw orınları arasındaǵı baylanıstı támiyinleydi.
Filial videokonferenciya xanaları zamanagóy texnologiyalar menen úskenelengen. Bul konferents xanalar arqalı hár bir adam tek ǵana dúnya boylap baylanısıw (sáwbetlesiw) ǵana emes al video qońırawlardı da ámelge asırıwı da múmkin. Videokonferents xanası zamanagóy texnologiyalardan: HD kamera, kalonka, mikrofon, ekran, videoterminal, proektor hám server qurılmalarınıń sońgı modellerinen paydalanılǵan.
Videokonferenciya xanasında sonday-aq respublika boyınsha ótkeriletuǵın ilimiy jıynalıslar, zárúr ushırasıwlar hám xalıqaralıq bilimlendiriwge baylanıslı ánjumanlar tuwrıdan-tuwrı alıp beriledi, hám olar tikkeley qatnasa aladı. Bunda waqıt, aqsha hám aralıq mashqalaları sheshiledi hám kóp sanlı qatnasıwshılar qatnasıwı múmkin.
Juwmaqlap aytqanda, videokonferents baylanıstıń eń úlken qolaylılıǵı bul alıstı jaqın qılıp tikkeley videobaylanıstı ámelge asırıw bolıp tabıladı.