https://megaline.uz/ ru HI-TECH JAŃALÍQLAR - Megaline.uz DataLife Engine https://megaline.uz/index.php?newsid=115 https://megaline.uz/index.php?newsid=115

Qıtaylı injenerler hár qıylı betlerde, sonıń ishinde, tóbeshikler, temir jollar hám taslı jerlerde háreketlene alatuǵın jańa gumanoid robottı usındı.

Unitree kompaniyası tárepinen islep shıǵarılǵan robot G1 Bionic dep ataldı. Ol álleqashan tańqalarlı tezlikti kórsetpekte — saatına shama menen 7,2 kilometr (jeńil juwırıw tezligine teń).

Eki ayaqta júriw robototexnika ushın bárqulla quramalı wazıypa bolıp kelgen edi. Injenerler tez háreketleniw waqtında robot denesiniń teńsalmaqlılıǵın haqıyqıy waqıt rejiminde támiyinleytuǵın algoritmlerdi islep shıǵa almay atırǵan edi.

Unitree bul máseleni aldıńǵı texnologiyalar járdeminde sheshti. G1 Bionic'ke 3D jetekshi sensorlar hám kameralar ornatılǵan bolıp, olar qurılmaǵa átiraptı skanerlew hám óz halatın qısqa waqıtta jaǵdayǵa beyimlestiriw imkaniyatın beredi. Bunnan tısqarı, robottıń buwınları háreket ushın sarplanatuǵın quwattı bet hám sharayatqa iykemleydi. Bul bolsa quramalı baǵdarlarda da onıń tegis hám turaqlı háreketleniwin támiyinleydi.

Jaqında kompaniya G1 Bionic robottıń imkaniyatların kórsetetuǵın videorolik usındı: onda robot hár qıylı betler boylap isenim menen júrip atırǵanı hám juwırıp atırǵanı, tosqınlıqlardı asıp ótip atırǵanı kórsetiledi. Biraq videoda juwırıwdı baslaw yamasa tezlikti ózgertiw waqıtları kórsetilmegen, bul bolsa robottıń haqıyqıy dinamikalıq júklemelerge beyimlesiwsheńligine baylanıslı sorawlardı ashıq qaldıradı.

Qızıǵı sonda, robottı basqarıw algoritmleri adam háreketlerin analizlewge tiykarlanǵan. Sistemanı úyretiw ushın hár qıylı sharayatlarda adam háreketlerine elikleytuǵın maǵlıwmatlar bazasınan paydalanılǵan. Bul G1 Bionic'ke tábiyiy háreketlerge eliklew imkaniyatın bergen, nátiyjede onıń júrisi juwırıp baratırǵan adamdikine uqsap ketedi.

Robottıń quwat deregi jáne bir másele. Sınaqlar ashıq jerde hám elektr tarmaǵına qosılmastan ótkerilgeni sebepli, ol batareya menen isleydi dep boljanbaqta. Biraq robot bir zaryadlanǵanda qansha waqıt isley alatuǵını belgisiz.

Adamday kóriniw G1 Bionic'ke adamlar ushın jaratılǵan sharayatlarda — qalalarda hám imaratlarda aytarlıqtay artıqmashlıq beredi. Keleshekte ol tek juwıra alıw emes, al háreket waqtında zatlardı kótere alıw qábiletin de kórsetse, onı qutqarıw operaciyaları, júk jetkerip beriw hám joqarı háreketsheńlik talap etiletuǵın basqa wazıypalarda qollanıw múmkin boladı. Unitree kompaniyasınıń jańa islenbesi gumanoid robotlardı ómirdiń hár qıylı tarawlarında qollanıw ushın keń imkaniyatlardı ashpaqta.

Derek kózi: Kun.uz]]> bekan Mon, 17 Feb 2025 21:50:35 +0000 https://megaline.uz/index.php?newsid=114 https://megaline.uz/index.php?newsid=114

Kópshiligimiz túnde smartfondaǵı Wi-Fi hám mobil internetti óshirmewge úyrenip qalǵanbız, al ayırımlarımız onı óshiriw haqqında oylamaymız da. Degen menen túnde internetti óshiriw birden bir neshe sebeplerge baylanıslı paydalı. Bul haqqında hunian jazdı dep xabarlaydı massaget saytı.

Bul rette qánigeler túnde smartfondaǵı internetti ǵana emes, al úydegi Wi-Fi dı da óshirip qoyıwǵa másláhát beredi. Usılay etip siz onıń xızmet etiw múddetin uzartıp ǵana qoymastan, sonıń menen birge Wi-Fi jumıs islep turǵan waqıtta jumsaytuǵın elektr quwatın únemleysiz.

Nege túnde Wi-Fi dı óshiriw kerek?
Batareya quwatın únemleysiz. Internetten ajıratılǵan smartfon jumıs islewden «dem aladı» hám batareya quwatın únemleydi. Usılay etip, batareyanıń «ómir súriw múddetin» uzartadı. Bul ásirese 3-4 jıl paydalanılǵan qurılmalarǵa tiyisli.

Qáwipsizlik. Wi-Fi bárqulla qosıwlı bolsa, telefonıńız basqa tarmaqlarǵa ańsat qosıla aladı, ásirese Wi-Fi parametrleri telefonıńız burınnan paydalanǵan tarmaqlarǵa avtomat túrde qosılatuǵın etip ornatılǵan bolsa qosılıw múmkinshiligi joqarı boladı. Bul, mısalı, telefon qáwipli yamasa zıyanlı Wi-Fi tarmaǵına qosılsa, belgili bir qáwipsizlik qáwiplerin keltirip shıǵarıwı múmkin.

Radiaciyanı azaytıw. Qurılma belsendi emes bolsa da SAR shıǵaradı. Sonlıqtan qánigeler onnan shıǵatuǵın elektromagnitlik nurlanıwdı azaytıw ushın túnde Wi-Fi-dı óshiriwdi (hám telefondı múmkinshilik bolǵanınsha uzaq qoyıwdı) usınıs etedi.

Az tınıshsızlanıw. Túnde Wi-Fi qosıwlı bolsa, sizdi oyatıwı múmkin bir neshe eskertiwler yamasa xabarlar alıwıńız múmkin. Wi-Fi tarmaǵın óshiriw tınıshsızlanıwdı azaytadı hám uyqınıń sapasın jaqsartadı.

Ulıwma alǵanda, túnde Wi-Fi-dı óshiriw paydalı, biraq bul siziń jeke qálewińiz benen zárúrliklerińizge baylanıslı. Eger qanday da bir sebepler menen Wi-Fi-dı óshirgińiz kelmese, telefondı qáwipsiz emes tarmaqlarǵa avtomat túrde qosılmaytuǵın hám túnde telefondı dawıssız rejimge qoyıwǵa boladı.]]> bekan Mon, 17 Feb 2025 21:38:41 +0000 https://megaline.uz/index.php?newsid=163 https://megaline.uz/index.php?newsid=163
HTC kompaniyası Tayvanda jańa HTC Butterfly S smartfonın rásmiy túrde tanıstırdı. Bul gadjetti HTC One hám HTC Butterfly smartfonlarınıń eń jaqsı tárepleri jıynalǵan gibrid dep atasaq boladı.

Smartfon 5-dyumlı Super LCD 3 texnologiyası menen úskenelengen, Full HD displeyine iye. Onıń múmkinshiligi 1920x180 pikseldi quraydı. Smartfon 4 yadrolı, jiyiligi CPU 1,9 GGts bolǵan SoC Qualcomm Snapdragon 600 processorı menen úskenelengen. 2 GB operativli hám 16 GB flesh-yadı bar. Sonday-aq microSD kartası menen yadın úlkeytiwge boladı. Smartfon Android Jelly Bean 4.2.2 operaciyalıq sistemasında jumıs atqaradı. Sonday-aq HTC Sense 5 firmalıq sazlawları bar.

HTC Butterfly S smartfonınıń eń baslı artıqmashılıǵı – onıń akkumulyator quwatınıń sıyımlılıǵı. Ol házirgi smartfonlarda siyrek ushırasatuǵın 3200 мА/saat quwatqa iye. HTC Butterfly S keyingi aydan baslap satıwǵa shıǵarıladı.
]]> bekan Fri, 28 Jun 2013 14:36:00 +0000 https://megaline.uz/index.php?newsid=162 https://megaline.uz/index.php?newsid=162
Samsung korporaciyası jańa ATIV Q dep atalǵan planshetti tanıstırdı. Onı noutbuk retinde paydalanıw ushında úskeneler ornatılǵan. Sonıń menen bir qatarda, ATIV Q planshetiniń baslı artıqmashılıǵı ol Android Jelly Bean hám Windows 8 operaciyalıq sistemaların qollaydı. Yaǵnıy eki OS da isleydi degen sóz.

Samsung ATIV Q 13-dyumlı, múmkinshiligi 3200x1800 pikselli displeyge iye hámde Intel Haswell Core i5 processorı menen úskenelengen. Sonday-aq ol 128 gigabaytlı SSD diskovod, USB 2.0 hám 3.0 portları menen támiyinlengen. microSD kartasınıń yadın bir neshe esege úlkeytiwge boladı. Qurılmanıń qalıńlıǵı 14 mm bolsa, salmaǵı 1,3 kg.

Házirshe Samsung ATIV Q gibridli planshettiń bahası hám satıwǵa shıǵarılıw kúni belgisiz.


derek kózi: gadgetblog.ru
]]> bekan Fri, 28 Jun 2013 14:35:00 +0000 https://megaline.uz/index.php?newsid=161 https://megaline.uz/index.php?newsid=161
Shveytsariyalı alımlar shopanlar ushın qoylarǵa qasqırlar hújimi haqqında SMS xabar jiberiwleri múmkin bolǵan sistema ústinde islemekte. Bul qurılma qoydıń moynına baylanadı hám júrek urıw ritmi belgilengen shegaradan asıp ketse, ol iske kirisedi. Bul jaǵday óz gezeginde, jırtqısh payda bolǵan waqtında haywan úrkip ketse qurılma isley baslaydı.

Sistemanıń birinshi úlgileri Shveytsariyada sınawınan ótkerilgen bolıp, qurılma qoylardıń moynına bekkem ornatıldı, soń pada tárepke eki qasqır tárizli iytler jiberildi. Kútilgen nátiyje júz berdi, yaǵnıy hújim haqqında xabar beriw sisteması isledi. Qoydıń ádettegi júrek urıw tezligi bir minutta 60 tan 80 ge shekem boladı, biraq qasqır tárizli haywanlar payda bolıwı menen usı kórsetkish birneshe ret ósip, bir minutta 225 ret urǵan.

Qoydıń júrek urıw tezligi belgilengen shegaraǵa jetkeninde teńdey eki waqıya júz berdi. Birinshiden, qurılma qasqırlar hújimi itimallıǵı kópligi haqqında shopanǵa SMS-xat jiberdi, ekinshiden, jırtqıshlardı qandayda bir qorqıtıwshı zat – shıǵardı. Usı sınaqlar Shveytsariya hám Franciyada ótkerildi.

Joba jetekshileri bunday sınaqlardı kóplep ótkerip, qurılmanıń keyini seriyalı úlgilerin islep shıǵarıwdı maqset etken.
]]> bekan Fri, 21 Jun 2013 14:33:00 +0000 https://megaline.uz/index.php?newsid=160 https://megaline.uz/index.php?newsid=160
Kópshilik házirgi waqıtta meyli doslar, tanıslar bolsın kúndelikli turmısımızda internet arqalı qarım qatnasta boladı. Sociallıq tarmaqlar arqalı awhal soraydı yamasa sáwbette boladı. Al bundaǵı qarım qatnas tekstler (háripler) arqalı jazılǵanlıqtan sóylesip atırǵan adamıńnıń kewil keypiyatın, is háreketin biliw qıyın.

Sonlıqtan internet hám SMS sistemasında “Smaylik” tańbası keńnen qollanıladı. “Smaylik” túsinigi inglisshe smiley hám emiticon, yaǵnıy ideogramma hám kewil keypiyat degen mánislerdi bildiretuǵın sózlerden quralǵan.

Rus internet izertlewshileriniń aytıwınsha, onıń tariyxı 1969 jılı Vladimir Nabokov emociyanı grafikalıq túrde súwretlew ushın arnawlı belgi islew zárúrligin aytqan. Al tiykarǵı smayliktiń atası – inglis alımı Skott Falman bolıp tabıladı. Usı alım :), -) sıyaqlı smayliklerdi dúnyada birinshi ret qollanıwǵa engizgen.
]]> bekan Wed, 19 Jun 2013 14:30:00 +0000 https://megaline.uz/index.php?newsid=159 https://megaline.uz/index.php?newsid=159
Samsung korporaciyası Samsung Galaxy S4 Zoom kamerafonın tanıstırdı. Qurılma 16-megapikselge iye bolıp, 10 márte úlkeytiwshi optikalıq zumı hám optikalıq turaqlı sistemasına iye. Obyektivtiń fokus aralıǵı 24-240 mm. Al diagfragma diapazonı 3,1-6,3. Onnan basqa qurılmada 1,9-megapikselli frontal kamera ornatılǵan.

Endi usı smartfonnıń múmkinshiliklerin atap ótsek. Galaxy S4 Zoom 4,3 dyumlı, múmkinshiligi 960x540 pikselli Super AMOLED ekranı menen úskenelengen. Operativli yadı 1,4 GB bolsa, al flesh yadı 8 GB tı quraydı. Onıń paydalanıwshıǵa 5 GB tın paydalanıwǵa beriledi. Eger bul yad jetkiliksiz bolsa, onda microSD kartasındaǵı 64 GB tan paydalanıwǵa boladı.

Kamerafon 4G LTE hám 3G standartlı uyalı baylanısın qollay aladı. Al operaciyalıq sisteması retinde jańa interfeysli Android 4.2 Jelly Bean qollanıladı.

Súwret hám derek kózi: gadgec.ndtv.com

]]> bekan Thu, 13 Jun 2013 14:28:00 +0000 https://megaline.uz/index.php?newsid=158 https://megaline.uz/index.php?newsid=158
Házirde uyalı telefonlardıń bir-birinen ózgeshe túrli modelleri shıǵıp atırǵanıń gúwası bolıp atırmız. Usınday jáne bir uyalı telefonlardıń biri bul Micro-Phone bolıp tabıladı. Onıń kólemi plastik kartalar sıyaqlı bolıp, uzınlıǵı – 85 mm, eni – 55 mm hám qalıńlıǵı 5,5 millimetrden ibarat. Micro-Phone-dı qaltaǵa salıp júriwge júdá qolaylı. Biraq bul telefon óziniń joqarı texnologiyalıq qosımshaları menen maqtana almaydı. Sebebi bul telefondı óndiriwshiler bunday maqset qoymaǵan eken. Qurılma 1,8 dyumli ekran menen úskenelengen. Akkumulyatorıda uzaq múddetke shıday aladı. Al telefon bahası bolsa 69 dollar.

súwret hám derek kózi: 24gadget.ru
]]> bekan Mon, 03 Jun 2013 14:24:00 +0000 https://megaline.uz/index.php?newsid=157 https://megaline.uz/index.php?newsid=157
Yaponiyalı Sony kompaniyası jańa Sony Xperia ZR Android-smartfonın tanıstırdı. Ol aldıńǵı markalarına qaraǵanda sırtqı ortalıq tásirlerine júdá shıdamlı. Shań hám ıǵal ótkermeytuǵın IP55 hám IP58 standartları menen islengen. Bul smartfon 1,5 metr tereńliktegi suwda 30 minuttay isley aladı.

Sony Xperia ZR telefonı 1280x720 pikselge iye bolıp, ólshemi 4,6 dyumlı HD Reality Display disleyi menen úskenelengen. Ol 1,5 gigagertsli Qualcomm Snapdragon S4 Pro processorı menen úskenelengen. Operativli yadı 2 GB bolsa, al flesh yadı 8 GB. Onnan tısqarı, microSD kartasınıń járdemi menen 64 GB qa shekem orın alǵan.

Smartfon NFC hám 4G, LTE texnologiyaların qollay aladı. Akkumulyator sıyımlılıǵı 2300 mA/saat. Qalıńlıǵı 10 mm bolsa, al salmaǵı 140 gramm.

Jańa ónimniń bahası haqqında házirshe informaciya joq. Al satıwǵa usı jıldıń gúz ayında shıǵıwı múmkin.


súwret hám derek kózi: gadgetblog.ru
]]> bekan Sat, 18 May 2013 14:22:00 +0000 https://megaline.uz/index.php?newsid=156 https://megaline.uz/index.php?newsid=156
2013- jıldıń 15-16 may kúnleri Tashkent qalasındaǵı Uzekspo orayında “Best Soft Uzbekistan – 2013” baǵdarlamalıq ónimlerdiń forumı hám milliy kórgizbesi bolıp ótti. Kórgizbege jergilikli hám sırt el baǵdarlamalıq ónimlerdi islep shıǵarıwshılar óz ónimleri menen qatnastı.

Búgingi kúnde informaciya kommunikaciya texnologiyaları turmıstıń barlıq tarawlarına kirip keldi. Bul bolsa óz gezeginde softver sanaatınıń jedel rawajlanıwına keń jol ashpaqta. Atap ótsek, házirgi kúnde mámleketimizde baǵdarlamalıq ónimlerdi jaratıw, islep shıǵarıw hám engiziw menen shuǵıllanıwshı subyektler iskerlik kórsetpekte. Olardıń islenbeleri, baǵdarlamalıq ónimleri mine usı kórgizbede orın aldı.

Usı jılǵı forum kórgizbeniń tiykarǵı baǵdarları mámleketimizde “Elektron húkimet” sistemasın engiziw hám milliy baǵdarlamalıq ónimler bazarın rawajlandırıwdan ibarat. Sonday aq forumǵa baǵdarlamalıq ónimlerdi islep shıǵıw hám engiziw tarawındaǵı jetekshi qánigeler qatnastı. Ekspertler usı tarawdaǵı sońǵı jetiskenliklerdi usındı hám óz tájiriybeleri menen bólisti. Forum jumısı úsh sekciyada bolıp, “Elektron húkimet” kontsepciyası: xalqara tájiriybe, Ózbekstan “Elektron húkimet” kontsepciyası:interaktiv mámleket xızmetlerin islep shıǵıw hám engiziw hámde Softver sanaatı rawajlanıwınıń tendenciyaları hám jetiskenlikleri, IT bilimlendiriw, baǵdarlamashı kadrlar menen támiyinlew.



Ótken jılı kórgizbege 40 baǵdarlamalıq ónimlerdi islep shıǵarıwshılar qatnasıp, 80 nen artıq islenbeleri usınılǵan bolsa, usı jılı 60 tan aslam kompaniyalar qatnasıp, olar 120 ǵa shamalas óz islenbeleri menen qatnastı.

IT kompaniyalar menen bir qatarda kórgizbege Mırza Uluǵbek atındaǵı Ózbekstan Milliy Universiteti hám Tashkent informaciya texnologiyaları universiteti oqıtıwshıları hám studentleri tárepinen islep shıǵılǵan texnikalıq islenbeler hám baǵdarlamalıq ónimler qoyıldı.

Kórgizbege qoyılǵan ónimlerden: “Kóp funkciyalı kodlanǵan qulp”



TITU Telekommunikaciya qánigeliginiń 3 kurs studenti Kurbanov Alisher “Kóp funkciyalı kodlanǵan qulp” islenbesin kópshilik názerine usındı. Usı islenbeni esiklerge ornatsa giltsiz qulpırıw múmkinshiligin beredi hám úy iyeleri giltsiz, kod arqalı ashıw hám qulpırıw múmkinshiligine iye. Usı islenbeniń baǵdarlamalıq támiyinleniwi C baǵdarlamalastırıw tilinde jazılǵan bolıp, ol 2012 jıldıń dekabr ayınan usı jıldıń yanvar ayına shekem islep shıǵılǵan. Sonday-aq Alisher TITUniń ziyrek studentlerinen. Ol keleshekte FTTB texnologiyası boyınsha shuǵıllanbaqshı hám bul texnologiya boyınsha oktyabr ayında ótkeriletuǵın konferenciyaǵada qızǵın tayarlanbaqta.

Informaciya sistemaların avtomatlastırıw

TITUniń jáne bir ziyrek studenti “Informaciya sistemaları” 2 kurs magistrantı Mahmanov Orif. Ol usı kórgizbege
• “Kadrlar bólimin basqarıw sisteması”;
• “Informaciya texnologiyaların úyreniwge arnalǵan interaktiv multimediya sisteması” hám
• “Dekanat jumısın avtomatlastırıw” informaciya sistemaların kópshilik názerine usındı.

Shet tillerin úyreniw zaman talabı



TITU Nókis filialı studenti, Ózbekstan Respublikası baylanıs informaciyalastırıw hám telekommunikaciya texnologiyaları mámleketlik komiteti stipendiantı Kalmuratov Bekbosın inglis tilin ózbetinshe úyreniwshiler ushın arnalǵan “Q-LING” baǵdarlamasınıń 4 versiyasın kópshilik názerine usındı.

Jańa interaktiv xızmetler xalıq iygiliginde



UzINFOCOM Orayı tómendegi jobalar menen qatnastı:

• E-kommunal.uz kommunal xojalıǵı hám úy-jay fondı portalı;
• ID.UZ jalǵız identifikaciya sisteması (jańa usılda);
• uMail.uz biypul elektron poshta xızmeti;
• Ziyonet portalındaǵı “Shet tili” bólimi.

Sonday-aq “Best Soft Uzbekistan – 2013” forum kórgizbesinde Hindistan hám Koreyalı kompaniyalardıń ónimleri qoyıldı.





Kórgizbede kópshilik itibarın tartqan jáne bir islenbe “AVTO TEST” elektron oqıw qollanbası boldı. Bunda multiplikaciyalıq kórinisler arqalı jol háreketi qaǵıydalarınan test sorawların beredi. Bul baǵdarlama arqalı paydalanıwshılar shofyorlıq gúwalıǵın alıw imtixanlarına tayarlanıwǵa kómeklesedi hám jol háreketi qaǵıydaların jánede tolıq ózlestiriwge imkaniyat jaratadı.



Tekst qátelerin tekseriw

Yurida Orfo kompyuter baǵdarlaması ózbek tilindegi kirill hám latın álippesindegi tekstti orfografiyalıq jaqtan tekseriwge arnalǵan. Baǵdarlama tekstler menen islewshi kóplegen funkciyalardı atqaradı.

Salıq tólewshiler ushın jańa xızmet

Jańa texnologiyalar ilimiy-informaciya Orayı tárepinen salıq tólewshiler ushın interaktiv xızmetlerin usındı. Bul sistema online hám offline rejiminde de isleydi.

Kórgizbege óz ónimleri menen qatnasıp atırǵa iri kompaniyalardıń biri “Global Solutions” bolıp, ol informaciya texnologiyaları tarawında úlken tájiriybege iye, joqarı professional qánigeler shtatınan ibarat, mobil hám web texnologiyalar baǵdarında jańa ideyalar usınıwshı, professional joybarlawshı bolıp tabıladı. Bul kompaniya 2009 jıldan berli elimizde iskerlik kórsetpekte. Ol Uztelecom, Ucell, Beeline, Infinbank, Samsung Georgiya, Navteq, Nokia Georgiya hám t.b. kompaniya hám shólkemler menen birge islesedi.

Kórgizbe dawamında IT qánigeler ushın bos jumıs orınları yarmarkası shólkemlestirildi. Sheberlik sabaqları, túrli IT baǵdarındaǵı seminar hám forumlar, viktorina oyınları, miymanlarǵa sawǵalar, fotosessiyalar, jumısqa kiriw tańlawları hám basqada ilájlar shólkemlestirildi. Sonday-aq kórgizbege qatnasıwshı kompaniyalar, oqıw orınları, kontent islep shıǵarıwshılar, provayderler arnawlı diplom menen xoshametlendi hám nominaciyalar boyınsha sıylıqlandı.





Hár jılı dástúrge aylanǵan kórgizbeniń 7-jılı mine usınday kóterińlik dárejede este qalarlı waqıyalar menen juwmaqlandı.


Avtorı: Kalmuratov B.
Tashkent qalasınan megaline.uz ushın arnawlı.
]]> bekan Fri, 17 May 2013 14:20:00 +0000