Jan’a jıl ko’pshiliktin’ unamlı ha’m qızıqlı bayramı. Jan’a jıldı joqarı ko’terin’kilik da’rejede ku’tip alamız ha’m o’tken jılg’a bir na’zer salamız. Jan’a jıldın’ keliwi bul jasımızg’a da jas qosadı. Saat 12 bolıwı menen bir birimizdi jan’a jıl menen qutlıqlaymız. Jaqsı ku’tip aldın’ızba dep sorapta qoyamız. Al bayram aldı tayarlıqlar bolsa onnanda qızıq! Bayramg’a jaqsı tayarlanamız. U’lken itibar menen sawg’alar tan’laymız, en’ unag’an tag’amlardı tayarlap, ha’mmeni quwantıwg’a asıg’amız.
Al siz usı waqıtta du’nya ju’zindegi adamlardın’ bayramdı qalay toylap atırg’anlıg’ın oylap ko’rdin’izbe?
Yaponiyada saat on ekiden keyin yaponlılar ku’ledi eken. Jan’a jıldı ku’lip ku’tip alsan’ a’wmet keltiredi degen da’stu’ri bar eken. Ku’lki - baxıt ha’m a’wmet alıp keledi deydi.
Hindistanlılar turatug’ın aymaqlarına baylanıslı tu’rlishe toylaydı. Qubla Hindistanda analar gu’llerdi, mazalı konfetalardı, kishi sıylıqlardı tabaqqa salıp bezeydi, azanda sol tabaqtı balalarına alıp keledi.
Gretsiyada saat on ekide u’y iyesi ha’wlige shıg’ıp, anar miywesin diywalg’a ılaqtıradı. Da’nleri a’tirapqa shashırap ketse, sol jılı shan’araq berekeli, tatıw boladı. Al u’yine kelgen qonaqlar o’zleri menen birge u’lken tas alıp kelip, “u’y iyesinin’ baylıg’ı usınday awır bolsın” dep onı bosag’ag’a taslaydı. Al mayda tas a’kelgen jag’dayda “til-ko’zden saqlasın” dep taslap qoyadı eken.
Vietnam jan’a jılı “Tet” dep ataladı. Ol 21 yanvar -19 fevral aralıg’ında bayramlanadı. Belgili bir ku’ni jıl sayın o’zgerip turadı eken.
Bolgariyada jan’a jıldı shan’araq ag’zaları menen, bayram da’sturxanı a’tirapında ku’tip aladı. U’ydin’ genjesi yolka qasına barıp, qosıq aytıp, kelgen qonaqlardın’ kewlin ko’teredi. Kewli ko’terilgen qonaqlar og’an sıylıqlar beredi. Saat on ekiden keyin u’y biykesi u’lken torttı kesedi. Eger torttan tıyın shıqsa, baylıq al roza gu’ldin’ shaqası shıqsa, muxabbat boladı dep boljaydı. Bunday da’stu’rler Avstraliya menen Ruminiya ellerinde de bar.
İspaniyada jan’a jıl tu’ngi waqıtta salt-da’stu’rler menen u’rip a’detlerge tolı boladı. Adamlar yolka a’tirapındag’ı ju’zimnen awız tiyiw ushın oraylıq maydang’a jıynaladı. Jan’a jıl kelgen waqıtta olar asıg’ıp 12 ju’zimdi jep, ishinen a’rmanların aytadı. Tez arada jep tawısqan jag’dayda a’rman orınlanadı degen ırım bar. Al u’yinde ku’tip alg’anlar, tarelkag’a ju’zim salıp qoyadı.
Vengriyada jan’a jıldın’ da’slepki sekundlarında adamlar ısqıra baslaydı. Qolı menen emes, balalarg’a arnalg’an oyınshıqlardan paydalanadı. Olardın’ pikirinshe, ısqırıw dawısı teris ku’shlerdi quwıp, quwanısh penen baxıt shaqıradı.
Degen menen, ha’mmege birdey bir na’rse bar, - ol quwanısh, shan’araq ag’zaları menen birge kewil-ko’teriw, jaqsı niyet, jaqsılıqqa degen isenim. Sonlıqtan Jan’a jılda jan’a baxıtqa, jan’a tabısqa jete bereyik.
Megablog bo'limi | 29-dekabr, 2013 jıl
Balalı bolg’an jigittin’ qa’siyetleri ha’m sezimleri
A’ke bolg’an er jigitlerdin’ quwanıshı burıng’ıdan o’zgeshe boladı. Solay eken, bu’gin biz sizlerge a’ke bolg’an jigitlerdin’ on segiz qa’siyetin sanap o’tip aytpaqshımız. Sizler ha’m...
Sawg’a tan’law ushın ayırım ken’esler
Du’nyada sawg’anı alıwdı jaqsı ko’retinler g’ana emes, sonın’ menen bir qatarda sawg’a bergendi unatatug’ın adamlar da ko’p. Ko’pshiligimiz aldın ala tayarlıq ko’rmey, sawg’anı...
Kel jan’a jıl-jan’a jıl!
Jan’a jıl ko’pshiliktin’ unamlı ha’m qızıqlı bayramı. Jan’a jıldı joqarı ko’terin’kilik da’rejede ku’tip alamız ha’m o’tken jılg’a bir na’zer salamız. Jan’a...
Nawrız bayramı qutlı bolsın
U’lkemizge kirip kelgen ba’ha’r o’zinin’ bar go’zzallıg’ı menen insanlar kewline o’zgeshe keypiyat inam etip, bayramlar ma’wsimi bolg’anlıg’ı menen de ha’miyshe asıg’ıslıq penen ku’tip...
Qutlı bolsın toyların’ız
Ha’r eldin’ o’zine say salt-da’stu’rleri ha’m u’rip-a’detleri bar. Sırt el toylarının’ bir-birinen ayırmashılıg’ın ko’rip shıqsaq....
